عالم النسور

    بيقولوا .......... ضل راجل ولا ضل حيطة ............

    شاطر
    avatar
    Admin
    Admin

    المساهمات : 77
    تاريخ التسجيل : 07/01/2009
    العمر : 22

    بيقولوا .......... ضل راجل ولا ضل حيطة ............

    مُساهمة  Admin في الأربعاء مارس 11, 2009 6:44 pm

    يا جماعة انا راجل بس الموضوع دة جة فى دماغى
    وحبيت اكتبة
    عايزين نهدا كده ونكون حلوييين مع بعضينا
    ماشى










    قال ايه.......ظل راجل ولا ظل حيطة.........

    من مناقشات قعدة ستات
    قال بيقولوا ظل راجل ولا ظل حيطة...........يا اختي

    طب بذمتك عمرك سمعتي عن حيطة بتقعد تشخر طول الليل و متخلكيش تعرفي تنامي.....

    ولا حيطة اول متدخل من باب البيت تقعد تجعر عايزة الغدا.....و بعدين تطين عيشتك علشان الملح طلع زيادة في البامية....


    ولا حيطة تقعد تنكد عليكي رايحة فين و جاية منين........

    ولا حيطة تدوخك وراها علشان تعرفي هي بتكلم مين في التيليفون بعد نص الليل...

    طب دي الحيطة معروف مكانها...انما المحروس متعرفيش هو سهران في انهي دهية....قال ايه عندي شغل...يا سم

    يذمتك في حيطة تحاول تطلعك كل مرة غلطانة علشان تثبت للعيال ان الحيطة بتفهم احسن منك....

    ولا حيطة تلوي بوزها لما امك تيجي تزورك و تحب تحكي معاكي نكت عن الحموات...

    ولا حيطة تقلك متخرجيش بالفستان ده احسن ما اقطعه عليكي...ولما تقوليلها هاتي فلوس اشتري فستان غيره تعمل ودن من طين وودن من......طب دي حتى الحيطان ليها ودان....

    يا شيخة بلا قرف والله الحيطة اجدع......على الاقل مش هتتحبسي لو حققتي حلم كل الستات و دقيتي في الحيطة مسمار.....

    تحياتى
    انا اسف يا شباب
    __________________

      الوقت/التاريخ الآن هو الإثنين نوفمبر 20, 2017 11:43 am